2016.3.27 金山城 (群馬県)

由太田駅出發，睇住地圖，跟住指示，慢慢行上山。

根據地圖指示，去蓋印嘅中島記念公園(南曲輪)，起碼要再行20分鐘。

沿路都有唔少遺跡。

行上物見台，可以遠眺金山町嘅風景。

沿大手虎口向上行，就見到月ノ池&日ノ池等遺跡。

行呀行，終於上到擺放名城スタンプ嘅休憩所。

因為有ガイドさん帶路，所以行嘅地方亦比較多，再往高處走，就係新田神社。

ガイドさん又帶我用另一條路落山去資料館，真係快啲喎。

行到落山，有啲攰，但ガイドさん健步如飛，仲帶我行多幾個景點。