2013.12.23 伊香保温泉 (群馬県)

12月23日到達渋川時差不多中午十二點，因為D隊友周圍行，走咗班車，所以去到温泉區時已經下午一點幾，大家都肚餓喇，於是隨便搵間餐廳食午飯，味道都算唔錯啦。

伊香保温泉周邊都有D景點，仲有好多湯，但係又唔算好特別。

伊香保温泉最出名嘅就梗係石段通り啦。

石段温泉街有唔同嘅商店，温泉饅頭就最有人氣。

行完幾百級樓梯，好攰，大約三點幾就走嚕。

2013.12.18 歷史及自然教育園 (東京都)

2013.12.18  江戸東京たてもの園

由武蔵小金井駅搭バス，5分鐘就到，落車後行入都立小金井公園，沿路都有清楚嘅指示，入場料大人400円，小學生免費。

江戸東京たてもの園喺1993年3月28日開園，係一個野外博物館，裏面展示咗江戸時代至昭和初期嘅30棟復原建築，包括商舖、公眾風呂、民居等。

今次喺江戸東京たてもの園裏面仲可以見到2013最後嘅紅葉，幾靚！

2013.12.18  国立科学博物館附属自然教育園

為咗睇2013最後嘅紅葉，下午就去国立科学博物館附属自然教育園逛逛。由目黒駅東口從目黒通り方向徒歩７分鐘就到，入場料大人300円(平成26年4月1日就要310円)，中、小學生免費。入場票用粉紅色絲帶代替，離開時回收，循環再用。

附属自然教育園嘅範圍好大，係都市中嘅綠洲，有水生植物園、森の小道、水鳥の沼等區域，種滿各式各樣嘅植物，係一個散步嘅好地方。

雖然係12月中喇，不過D紅葉都睇得吓。