2015.12.23 鉢形城跡 (埼玉県)

朝早搭JR到寄居駅，再轉搭東秩父村営バス，喺「鉢形城歴史館前」落車，行10分鐘就到喇。

鉢形城而家嘅範圍係一個公園，非常大。

要蓋100名城印就要去「鉢形城歴史館」，入場料200円裏面唔算大，文物唔多。

周邊無乜嘢睇，好靜。甚麼天守台、本丸、櫓……都見唔到喇。

2015.8.15 川越城 (埼玉県)

行去川越城嘅時候，見到川越城城中ノ門堀跡，睇嚟川越城本來都好大喎。

再行一陣就到本丸御殿喇。

本丸御殿唔算大，亦無乜展品。

有些少結構資料介紹。

呢道就有兩三件展品。

個庭園都幾靚，唔使一個鐘就睇完。

2015.8.15 八王子城 (東京都)

今日嘅目的地係八王子城，到達高尾駅後搭10至15分鐘巴士就到喇。

高尾駅都係100選嚟架。

落車後先入去八王子城跡管理棟前睇睇。

裏面好整潔，有好多資料，可以坐低慢慢睇。

八王子城係重要嘅文化財。

廣場已經係城跡嘅範圍，有模型&資料介紹。

除咗睇城跡，其實好多人帶齊裝備嚟行山，沿路有清楚嘅指示。

我就首要為蓋印啦。

荒蕪之地，無城樓，無櫓……

呢處係唯一嘅櫓喇。

回程時喺高尾駅試咗呢個名物，電視都介紹過，其實只係一個花生醬包，無乜特別。