2月10日大年初一下午機出發，抵達羽田時已經係晚上九點幾。
2月11日上午出發到群馬縣嘅草津，先買個弁当，因為都要兩、三個鐘頭車程。
到咗長野原草津口，又要快步行去搭溫泉區嘅巴士。大約25分鐘，我哋就抵達草津溫泉區嘅巴士Terminal。
喺巴士Terminal有免費迎送專車，唔駛兩分鐘就到達今晚入住嘅一井ホテル。
踏出ホテル嘅門口，就見到草津溫泉嘅湯畑。湯畑喺溫泉街嘅中央，濃烈嘅硫磺味，泡一泡，非常有療效。
沿路行，地面都有指示標記，唔怕行錯。
「湯もみ」係草津溫泉著名嘅表演。
雖然天寒地凍，但係限量發售嘅たまご雪糕，點都要試試。
草津山光泉寺，日本温泉三大薬師の一つとして著名であった。
溫泉街裏面有一間bear bear專門店，仲可以DIY 造bear bear精品。
差不多天黑喇，遊人稀少，經過一間まんじゅう專門店，熱情嘅公公婆婆上前推銷，斟埋熱茶，請我哋入去試食，盛情難卻，入去坐低同佢地傾咗一陣，買咗一盒佢地味自慢嘅まんじゅう。
買完手信就返酒店食晚餐，一泊二食，每人一萬円。
2月12日朝早浸一浸就食早餐，味道唔錯。喺餐廳望落去，見到整個湯畑。
食飽就買車票搭巴士去長野原草津口站，再搭JR返東京。
