2013.7.26 袋田の滝観る (茨城県)

袋田の滝長120m、闊73m，位於茨城県久慈郡大子町，到達袋田駅後轉乘巴士，每日來回各四班，約一至兩個鐘一班，終点站落車後徒歩10分鐘就到喇。

當日我哋搭唔到14:30開出嘅最後一班巴士，所以只好搭的士，收費大約1000円，送到袋田の滝嘅入口。買完票，蓋個紀念印就進入袋田の滝嘅観瀑トンネル。袋田の滝有三個観瀑台，唔同位置就有唔同嘅景觀。

第一観瀑台

第二観瀑台

去第三観瀑台要搭エレベーター，雖然係夏天，但係喺隧道裏面都唔覺熱，仲好清涼添。袋田の滝四季都有唔同嘅景色，睇相就覺得秋天最靚。

睇完已經係下午四點幾，不過無巴士搭囉，因為最後一班開15:10，之前的士叔叔話行返去JR站約50分鐘，如果要搭的士可以叫小店嘅阿姨打電話call佢，不過連埋call車費會貴D，為咗趕搭JR，無計啦，的士叔叔知我哋趕搭JR，簡直變咗車神一樣，喺JR埋站前一分鐘到達，車費1800円，有D貴，不過慳番個幾鐘嘅等車時間，所以大家去睇瀑布之前一定要check清楚巴士時間。

回程時，JR只有兩三位乘客，車廂就好似俾我哋包起咗。